Home ᴛᴏᴅᴀʏ ꜱᴩᴇᴄɪᴀʟ பாதாளத்தை வேட்டையாடிய உயர்பொலிஸ் அத்தியட்சகர் – யார் இந்த ஓலுகல

பாதாளத்தை வேட்டையாடிய உயர்பொலிஸ் அத்தியட்சகர் – யார் இந்த ஓலுகல

5693
0

இரத்தம் சிந்தாமல் ஜகார்தாவில் பாதாளத்தை வேட்டையாடி மண்டியிடச் செய்த பொலீஸ் அத்தியட்சகர் ரொஹான் ஒலுக்கல

இலங்கையை கொலை கலாசாரத்தால் ஆட்டிப் படைத்த பாதாளத்தின்b6 பிரபலங்களை ஒரே தாவலில் இரத்தம் சிந்தாமல் மண்டியிடச் செய்து இரண்டு உயர் பொலீஸ் அதிகாரிகள் ஜகார்த்தாவில் மேற்கொண்ட துணிகர செயற்பாடு பரவலாக பேசப்படுகிறது

இவர்களில் ஒருவர் தான் சுமார் 20
ஆண்டுகளுக்கு முன் இரத்தினபுரி மாவட்ட போலீஸ் அத்தியட்சகராக கடமையாற்றிய றொஹான் ஓலுகல என்ற நேர்மையான போலீஸ் அதிகாரி

இவர் பெயர் கேட்டாலே இப்பகுதியில் குற்றவாளிகளை குலை நடுங்க வைத்த
பணத்துக்கோ பதவிகளுக்கோ விலை போகாத நேர்மையான போலீஸ் அதிகாரியாக பிரபலமானவர்

அக்காலப் பகுதி சிங்கள தமிழ் ஊடக நண்பர்களுடன் மிகவும் தீவிரமாக களத்தில் இறங்கி போலீஸ் நீதிமன்றம் அரசியல் தரப்புகளுடன் என உயிர் துடிப்புடன்
ஊடகப் பணியாற்றிய காலம் அது

உங்களுக்கு ஞாபகத்தில் இருக்கலாம்
இலங்கையில் கிரீஸ் மனித நாடகம் அரங்கேறிய காலம் இக்காலப்பகுதியில் தான் இரத்தினபுரி மாவட்ட காவத்தை கொட்டகெதன என்ற குட்டிக் கிராமத்தில் 18 உயிர்கள் தொடராக மர்மமாக இரவிரவாக கொல்லப்பட்டு வந்தனர்

அனைத்து தமிழ் தேசிய ஊடகங்களிலும்
செய்திகள் முதற் பக்கத்தில் தலைப்புச் செய்திகளாக வெளிவந்தன

இப்போது விடயத்துக்கு வருகிறோம்

2008 ஆம் ஆண்டு அது மூன்று இரட்டைக் கொலைகள் அடங்கலான 18 கொலைகள் இடம் பெற்றன 2015.8.28 அன்று காவத்தை ஓபாவத்தையில் இடம் பெற்ற தமிழ் பெண் தொழிலாளியின் மரணமும் இதில் அடங்கும் கொல்லப்பட்டவர்கள் 19 முதல் 85 வயதுடையவர்கள் ஒரு தாயின் மகளின் கொலையும் இதில் அடங்கும்

இந்த மர்மக் கொலைகள் அனைத்தின் சூத்திரதாரிகளையும் தனது திறமையான புலனாய்வு மற்றும் தீட்சன்ய புத்தியால் கொலைகாரர்களை இனங்கண்டு குற்றவாளி கூண்டில் ஏற்றி உரிய இடத்துக்கு அனுப்பியவர் தான் இந்த ஓலுகல என்ற விலை போகாத பொலீஸ் அதிகாரி

இதில் முக்கியமான விடயம் என்னவென்றால் ஊடகவியலாளர்களுடன் மிகவும் அந்நியோன்னியமாக நெருங்கி பழகியவர் தகவல்களை நேரடியாக அவரே வழங்கி ஒத்துழைத்தவர்

தற்பெருமை கர்வம் இன மத பேதம் அற்றவர் இன நல்லறவுக்காக பல வேலைத் திட்டங்களை முன்னெடுத்து முன்மாதிரியான அதிகாரியாகச் செயற்பட்டவர்

அன்று இவரிடம் காணப்பப்பட்ட நேர்மை துணிச்சல் திறமைகள் நிச்சயமாக இவர் நாட்டில் ஒரு சிறந்த பொலீஸ் அதிகாரியாக மிளிர்வார் என்ற நம்பிக்கை மக்கள் அனைவரிலும் இருந்தது

அவரது இந்த துணிச்சலான முயற்சி உண்மையில் மன மகிழ்ச்சி தருகிறது
ஏனெனில் அவர் ஒரு நேர்மையான
தூய்மையான அதிகாரியாக செயல்பட்டவர் என்பதை நன்கறிவேன்

இப்பணியில் ஈடுபட்ட மற்றைய அதிகாரிக்கும்
பாராட்டுக்களை வழங்குவதில் மகிழ்ச்சி அடைகிறோம்